Bank sahəsində karyera qurmaq və güclü bir başlanğıc yaratmaq istəyirsiniz? Karyera qapımız hər birinizə açıqdır.

Gənc, motivasiyası yüksək, əla ünsiyyət bacarığı olan, 4-cü kurs tələbələrini, bu ilin və ötən ilin məzunlarını "Bob done biri" könüllü təcrübə proqramlarımıza qatılmağa dəvət edirik! Təcrübə proqramı bank sahəsinə marağı olan gənclərə təcrübə qazanmaq, müxtəlif layihələrə cəlb olunmaq və gələcəkdə Bank of Baku-da çalışan əməkdaşlardan biri olmaq imkanı yaradır. Təcrübə müddəti yarımgünlük və ya tamgünlük olmaqla 1-3 ay müddətinə təşkil edilir. 

Universitetlərlə əməkdaşlıq

Qarşılıqlı əməkdaşlıq münasibətləri ölkəmizin bir çox təhsil müəssisələrinin tələbələri və məzunlarının Bank of Baku-da işə qəbul və təcrübə proqramlarına cəlb edilməsi, mentorların təyin edilməsi və fərdi inkişad planlarının tərtib edilməsini nəzərdə tutur. 

Bank of Baku və Azərbaycan Dövlət İqtisad Universiteti

21.02.2023-cü il tarixində Bank of Baku və Azərbaycan Dövlət İqtisad Universiteti arasında əməkdaşlıq Memorandumu imzalandı. Memorandum bank fəaliyyətinin həyata keçirilməsinə dair ümumi qaydalar və banklarda innovativ bank məhsul və xidmətləri üzrə elmi-praktiki məlumatlarının inkişafı üzrə təlimlərin keçirilməsi, onların bilik və bacarıqlarının davamlı inkişafının təmin edilməsi ilə bağlı layihələrin birgə icrası, reklam və qarşılıqlı maraq kəsb edən sahələrdə əməkdaşlıq edilməsinə yönəlmişdir.